XXIII Semana Galega de Filosofía: Filosofía e Violencias
Pontevedra, 11 de novembro de 2005
COMUNICACIÓNS
Estimados/as compañeiras e compañeiros:
Desde a AULA CASTELAO DE FILOSOFÍA desexamos anunciarvos a próxima celebración en Pontevedra da XXIII SEMANA GALEGA DE FILOSOFÍA entre os días 17 e 21 de abril de 2006, co título de:
Filosofía e Violencias
Como en ocasións anteriores, solicitamos o envío de COMUNICACIÓNS relacionadas coa temática mencionada, que serán publicadas nas datas de celebración da Semana*, con vistas á ampliación e enriquecimento das posibilidades de debate.
As condicións que teñen de cumprir as comunicacións son as seguintes:
Ter unha relación clara co tema da Semana
Estar escritas en galego**
Non sobrepasar as 300 liñas
Nunha folla aparte: título, nome dos autores/as, enderezo, teléfono e correo electrónico se o tiver.
Como inicio da comunicación: título, autores/as e enderezo ou correo electrónico para facer público.
No caso que non se cumpran as condicións as comunicacións serán rexeitadas.
As comunicacións deben ser remitidas por correo electrónico enviando o documento como arquivo adxunto ao enderezo:
A data límite para a recepción de comunicacións é o 31 DE XANEIRO DE 2006.
Un saúdo,
AULA CASTELAO DE FILOSOFÍA
*A día de hoxe, anque si é probable, non é seguro que as Comunicacións poidan ser publicadas en papel. En calquera caso, estarían colgadas na Web da Aula en formato pdf para a súa leitura e/ou impresión. Tamén se expedirá Certificación conxunta da Universidade de Vigo e da Aula Castelao de Filosofía aos autores e autoras.
** Aquelas persoas de fóra de Galiza que teñan dificultades para enviar as comunicacións en galego, por favor poñédevos en contacto coa organización (aula@aulacastelao.com).