COMUNICACIÓNS

 

Pontevedra, 2 de novembro de 2004

Estimados/as compañeiras e compañeiros,

Desde a AULA CASTELAO DE FILOSOFÍA desexamos anunciarvos a próxima celebración en Pontevedra da XXII SEMANA GALEGA DE FILOSOFÍA entre os días 28 de marzo e 1 de abril de 2005, co título de:

Filosofía e Sustentabilidade

Como en ocasións anteriores, solicitamos o envío de COMUNICACIÓNS relacionadas coa temática mencionada, que serán publicadas nun dosier nas datas de celebración da Semana, con vistas á ampliación e enriquecimento das posibilidades de debate.

As condicións que teñen de cumprir as comunicacións son as seguintes:

• Ter unha relación clara co tema da Semana

• Estar escritas en galego*

• Non sobrepasar as 300 liñas

• Nunha folla aparte: título, nome dos autores/as, enderezo, teléfono e correo electrónico se o tiver.

• Como inicio da comunicación: título, autores/as e enderezo ou correo electrónico para facer público.

No caso que non se cumpran as condicións as comunicacións serán rexeitadas.

As comunicacións deben ser remitidas por correo electrónico enviando o documento como arquivo adxunto ao enderezo:

aula@aulacastelao.com

A data límite para a recepción de comunicacións é o 27 DE XANEIRO DE 2005.

Aproveitamos a ocasión para informarvos que está ao voso dispor a nosa páxina WEB:

www.aulacastelao.com

Un saúdo,

 

AULA CASTELAO DE FILOSOFÍA

 

* Aquelas persoas de fóra de Galiza que teñan dificultades para enviar as comunicacións en galego, por favor poñédevos en contacto coa organización (aula@aulacastelao.com).