Preséntase en Pontevedra a XXIV Semana Galega de Filosofía

A Aula Castelao de Filosofía ultima os preparativos para a vindeira edición do seu congreso internacional

 

Xulio Leal, presidente da Aula Castelao de Filosofía, resumirá para os asistentes os contidos desta nova edición da Semana Galega de Filosofía, que este ano vai desenvolver as súas conferencias e actividades baixo o título “Filosofía e Diferenzas”.

Esta nova cita coa filosofía e co debate máis actual e crítico volverá reunir na capital pontevedresa algúns dos intelectuais máis destacados do noso tempo: Gianni Vattimo, Fina Birulés ou Ángel Gabilondo serán algunhas das figuras destacadas que este ano se acheguen a Pontevedra con motivo da XXIV Semana Galega de Filosofía.